Тус бүс нутагт салхи, нарны эрчим хүч нэмэгдэж байгаатай холбогдуулан эхэлснээр хий болон газрын тосны хамааралтай байдлаас гарах шилжилтийн эхний шинж тэмдэг ажиглагдаж байна.
Ойрхи Дорнодын эрчим хүчний гол үзүүлэлтүүд:
Нэг хүнд ногдох хэрэглээ дэлхийн дунджаас 1.4x дахин их
Цэвэр цахилгаан эрчим хүчний эзлэх хувь - 8%
Нар, салхины эрчим хүчний эзлэх хувь - 4%
Чулуужсан түлшнээс гаргаж авсан цахилгааны эзлэх хувь - 92%
Нэг хүнд ногдох ялгарал дэлхийн дунджаас 1.9x дахин их
2024 онд Ойрхи Дорнодын цахилгаан эрчим хүчний 8%-ийг цэвэр эх үүсвэрээс үйлдвэрлэсэн нь дэлхийн дундаж 41%-иас доогуур байв. Энэ бүс нутгийн орнууд бараг бүхэлдээ хий, газрын тосоор эрчим хүчээ хангаж, нүүр бага хэрэглэдэг. 2024 онд хий нь цахилгаан эрчим хүчний үйлдвэрлэлийн 71%-ийг эзэлж байсан бол бусад чулуужсан түлш 20%-ийг эзэлж, ихэвчлэн газрын тос, нүүрс маш бага (0.8%) байжээ.
Ойрхи Дорнодын цөөн улс цэвэр цахилгаан эрчим хүчийг нэвтрүүлэх томоохон алхмуудыг хийсэн. Тус бүс нутагт нүүрстөрөгчийн эрчим өндөр байгаа бөгөөд 2024 онд 1 кВт.ц цахилгаан эрчим хүч үйлдвэрлэхэд ялгарах хүлэмжийн хийн хэмжээ нь дунджаар 636 байсан нь дэлхийн дундаж үзүүлэлт болох 471-тай харьцуулахад их байна.
Ойрхи Дорнод нь салхи, нарны эрчим хүч төдийлөн ашигладаггүй дэлхийн цорын ганц бүс нутгийн нэг боловч ахиц дэвшил хурдацтай явагдаж байна. Бахрейн, Иран, Ирак зэрэг олон улсын эрчим хүчний үйлдвэрлэлд салхи, нарны эрчим хүч нь 1%-иас бага хувийг эзэлдэг бол Йемен (11%), Йордан (17%), Ливан (30%) зэрэг цөөн тооны улсын тухайд 10%-иас дээш хувийг эзэлж, нарны эрчим хүчний үйлдвэрлэлд томоохон ахиц гаргаж байна.
Саудын Араб улс 2030 он гэхэд сэргээгдэх цахилгаан эрчим хүчний үйлдвэрлэлийг 50%-д хүргэх зорилт тавин ажиллаж байгаа бөгөөд 2024 онд эрчим хүчний үйлдвэрлэлд сэргээгдэх эрчим хүч ердөө 2.2%-ийг эзэлж байжээ. Энэ нь нар, салхи, батарейн хүчин чадлын томоохон төслүүдийг хэрэгжүүлснээр тун удахгүй өөрчлөгдөх хандлагатай байна. Эдгээр төслийн хүрээнд 2024 онд Хятадаас 16 ГВт-аас дээш нарны цахилгаан эрчим хүчийг импортолж, улмаар 2025 онд дахин 8.8 ГВ-ыг импортолжээ. Гэсэн хэдий ч хийн хөрөнгө оруулалтыг үргэлжлэн нэмэгдүүлж байна. Тухайлбал, Иран, Арабын Нэгдсэн Эмират Улс, Кувейт, Ирак зэрэг улсууд дэлхийд хамгийн олон хийн цахилгаан станц барьж буй орнуудын тоонд багтаж байна. Дэлхийн хийн эрчим хүчний үйлдвэрлэлийн ойролцоогоор 16% нь Ойрхи Дорнодод ногддог.
2024 онд тус бүс нутгийн цахилгаан эрчим хүчний ердөө 3%-ийг нарны эрчим хүчнээс гаргасан нь 2024 оны дэлхийн дундаж болох 6.9%-иас бараг 2 дахин бага байна. Иран зэрэг орнуудын цөөн хэдэн хуучин усан цахилгаан станцын төслүүдийг эс тооцвол цэвэр цахилгаан эрчим хүчний дорвитой төслийг хэрэгжүүлээгүй гэж үзэж болно.
Бэлтгэсэн мэдээллийн эх сурвалж: https://ember-energy.org/countries-and-regions/middle-east/
Зургийг хиймэл оюунаар бүтээв.
