Тайланд: Жижиг модульчлагдсан реакторын санхүүжилтийг АНУ-аас авна
Тайландын цахилгаан эрчим хүчний газар (EGAT) нь тус улсад жижиг модульчлагдсан реактор (SMR) суурилуулах цогц техник, эдийн засгийн үндэслэлийн судалгааг санхүүжүүлэх гэрээг АНУ-ын Худалдаа, хөгжлийн агентлаг (USTDA)-тай байгууллаа.
Тайландын цахилгаан эрчим хүчний газар (EGAT) тус улсад жижиг модульчлагдсан реактор (SMR) суурилуулах техник, эдийн засгийн үндэслэлийн судалгааг санхүүжүүлэх гэрээг АНУ-ын Худалдаа, хөгжлийн агентлаг (USTDA)-тай байгууллаа. Уг судалгаагаар ойролцоогоор 600 МВт хүчин чадалтай модульчлагдсан байгууламж барихад шаардагдах байршил, цахилгаан дамжуулах нэгдсэн сүлжээнд холбогдох боломж, хөрөнгийн зардлын бүтэц болон зохицуулалтын орчныг иж бүрэн үнэлэх юм. Судалгааг нийлүүлэгчээс хамаарахгүй саармаг цэг үнэлгээний зарчмаар хийх бөгөөд GE Hitachi, Holtec, Kairos, NuScale, TerraPower, Westinghouse, X-energy зэрэг АНУ-ын компаниудын реакторын загваруудыг харьцуулан шинжлэх ажээ. Тайланд улс шинэчилсэн Эрчим хүч хөгжүүлэх төлөвлөгөөнийхөө хүрээнд хуучирсан дулааны цахилгаан станцуудыг орлуулах, хүлэмжийн хийн ялгарлыг тэглэх зорилтод хүрэхэд SMR технологийг ашиглахаар зорьж байна.