Н.Учрал ОХУ-ын Эрчим хүчний сайдтай уулзаж, түлш шатахууны нийлүүлэлтийг тогтвортой байлгах чиглэлээр ярилцлаа
Монгол Улсын Ерөнхий сайд Н.Учрал Дорнын эдийн засгийн чуулга уулзалтын үеэр ОХУ-ын Эрчим хүчний сайдтай уулзаж, эрчим хүч болон түлш шатахууны нийлүүлэлтийн асуудлаар ярилцлаа. Уулзалтаар Монгол Улсын өвлийн их ачааллын бэлтгэл ажлын хүрээнд ОХУ-аас импортлох цахилгаан эрчим хүчний найдвартай байдл
Монгол Улсын Ерөнхий сайд Н.Учрал Дорнын эдийн засгийн чуулга уулзалтын үеэр ОХУ-ын Эрчим хүчний сайдтай уулзаж, ирэх өвлийн их ачааллын бэлтгэл ажлын хүрээнд цахилгаан болон түлшний хангамжийн асуудлаар санал солилцлоо. Энэхүү уулзалтаар хойд хөршөөс импортлох цахилгаан эрчим хүчний найдвартай байдлыг хангах, дамжуулалтад саатал гаргахгүй байх чиглэлээр голчлон ярилцсаныг Eguur.MN мэдээлэв.
Манай улсын цахилгаан эрчим хүчний оргил хэрэглээ жил бүр 7-8 хувиар өсөж байгаа нөхцөлд хойд хөршийн эрчим хүчний импорт тогтвортой байх нь онцгой ач холбогдолтой юм. Монголын тал өвлийн оргил ачааллын цагуудад импортын цахилгааныг тасралтгүй нийлүүлэх, хүчдэлийн тогтвортой горимыг хангах хүсэлт тавьсны зэрэгцээ шатахууны үнийн огцом хэлбэлзлээс сэргийлэх урт хугацааны гэрээний нөхцөлүүдийг бататгасан байна.
Түүнчлэн талууд Дулааны гуравдугаар цахилгаан станцын шинэчлэл, өргөтгөлийн ажлын зураг төсөл болон санхүүжилтийн механизмуудыг эрчимжүүлэхээр ярилцжээ. ОХУ-ын талаас манай улсын эрчим хүчний салбарт урт хугацаанд тогтвортой түншлэн ажиллахаа илэрхийлсэн нь төвийн эрчим хүчний системд үүсэж болзошгүй хязгаарлалтын эрсдэлийг бууруулахад чухал алхам болж байна.