Хятад: Устөрөгч-борын нэгдлийн төхөөрөмж барьж эхэллээ

Хятадын ENN Group компани Хэбэй мужийн Ланфан хотын Эдийн засаг, технологийн хөгжлийн бүс дэх судалгаа, хөгжүүлэлтийн төвдөө Helong-2 буюу устөрөгч-борын плазмын бөмбөрцөг цагирагт платформын шав тавих ёслолыг 2026 оны есдүгээр сарын 15-нд зохион байгууллаа. Helong-2 байгууламж нь нийт 120 орчим акр талбайг хамарч баригдах бөгөөд ерөнхий гүйцэтгэгчээр China Construction First Group Construction and Development Company ажиллаж байна. Төслийн хүрээнд устөрөгч-борын нэгдлийн туршилтыг явуулах суурь платформыг бий болгох зорилгоор арав гаруй дэд болон судал системийг нэгтгэн угсрахаар төлөвлөж, 2030 он гэхэд тус туршилтын байгууламжаас устөрөгч-борын нэгдлийг ашиглан анхны цахилгаан эрчим хүчийг үйлдвэрлэх зорилт тавин ажиллаж байна. World Nuclear News агентлагаас мэдээлснээр энэхүү бүтээн байгуулалт нь өмнөх Xuanlong-50, Xuanlong-50U төхөөрөмж дээр хийсэн туршилт, онолын загварчлалын үргэлжлэл бөгөөд 2035 оноос өмнө үзүүлэх реактороор цахилгаан үйлдвэрлэх 3 үе шаттай хөтөлбөрийн нэг хэсэг юм.