Казахстан: 60 цахилгаан үйлдвэрлэгчийн цахилгааны тарифын дээд хязгаарт өөрчлөлт оруулахаар төлөвлөж байна
Казахстан улсын Эрчим хүчний яамнаас үндэсний хэмжээний 60 цахилгаан үйлдвэрлэгч байгууллагын цахилгааны тарифын дээд хязгаарыг шинэчлэн тогтоох зорилгоор Сайдын 508 тоот тушаалд нэмэлт, өөрчлөлт оруулах төслийг “Open NPAs” порталд нийтэллээ. Шинэчилсэн тарифын бүтэц олон нийтийн хэлэлцүүлгийн дараа 2026
Казахстаны Эрчим хүчний яам тус улсын цахилгаан эрчим хүч үйлдвэрлэгч 60 байгууллагын тарифын дээд хязгаарыг шинэчлэн тогтоох зорилгоор Сайдын 508 тоот тушаалд нэмэлт, өөрчлөлт оруулах төслийг “Open NPAs” порталд нийтэллээ. Шинэчилсэн тарифын бүтэц нь олон нийтийн хэлэлцүүлэг дууссаны дараа буюу 2026 оны есдүгээр сарын 10-ны өдрөөс албан ёсоор мөрдөгдөж эхлэх төлөвтэй байна. Тоног төхөөрөмжийн засварын ажлыг хугацаанд нь гүйцэтгэх, урт хугацааны шинэчлэлийн хөтөлбөрүүдийг санхүүгийн эх үүсвэрээр хангах үүднээс ийнхүү дээд хязгаарыг өөрчлөх шаардлага үүссэн бөгөөд энэ нь үндэсний аюулгүй байдал болон нийгэм, хууль эрх зүйд сөрөг үр дагаваргүй гэдгийг яамнаас мэдэгдэв.
Үйлдвэрлэлийн статистик мэдээллээр Казахстан улс 2026 оны эхний таван сард 53.6 тэрбум кВт·ц цахилгаан үйлдвэрлэж, дотоодын хэрэглээ нь 53.3 тэрбум кВт·ц байснаар 300 сая кВт·ц-ийн багахан илүүдэлтэй ажиллажээ. Улмаар 2026 оны жилийн эцэс гэхэд үндэсний нийт цахилгаан үйлдвэрлэл 126.5 тэрбум кВт·ц-т хүрэх төлөвтэй байгааг Trend News Agency агентлаг онцолсон байна.
Өсөн нэмэгдэж буй цахилгааны эрэлтийг найдвартай хангахын тулд Казахстан улс 2026 оны туршид нийт 2.6 ГВт орчим шинэ хүчин чадлыг ашиглалтад оруулахаар ажиллаж байна. Энэхүү өргөтгөлийн төлөвлөгөөнд дөрвөн шинэ хийн цахилгаан станц барих, одоо ажиллаж байгаа хоёр дулааны станцын хүчин чадлыг өргөтгөхөөс гадна нийт 245 МВт чадал бүхий сэргээгдэх эрчим хүчний 10 шинэ төслийг ашиглалтад оруулах ажлууд багтжээ.