ААН-ийн ус, дулааны үйлчилгээний шинэчилсэн үнэ тариф
Орон сууц нийтийн аж ахуйн удирдах газраас аж ахуйн нэгж, байгууллагуудад зориулсан ус, дулааны үйлчилгээний шинэчилсэн үнэ тарифын мэдээллийг танилцууллаа.
Орон сууц нийтийн аж ахуйн удирдах газраас аж ахуйн нэгж, байгууллагуудад мөрдөгдөх ус, дулааны үйлчилгээний шинэчилсэн тарифыг танилцууллаа. Уг тарифын өөрчлөлтийг Эрчим хүчний зохицуулах хороо болон Хот, суурины ус хангамж, ариутгах татуургын ашиглалт, үйлчилгээг зохицуулах хорооны шийдвэрээр албан ёсоор баталгаажуулсан байна. Өнгөрсөн зургаадугаар сарын 5-ны өдрөөс эхлэн цахилгаан болон дулааны эрчим хүчний тарифыг 5 хувиар нэмэгдүүлэх шийдвэр гарсан билээ. Үүний хүрээнд дулааны шинэчилсэн үнэ тариф нь 2026 оны есдүгээр сарын 15-ны өдрөөс эхлэх өвлийн халаалтын улирлаас эхлэн аж ахуйн нэгжүүдэд бодитоор мөрдөгдөж эхлэх юм. Энэхүү тарифын зохицуулалт нь эрчим хүч, нийтийн аж ахуйн байгууллагуудын санхүүгийн алдагдлыг бууруулах, шугам сүлжээний засвар үйлчилгээний зардлыг нөхөхөд чиглэсэн бөгөөд хэрэглэгчдийг дулааны тоолуур, шугам тоноглолоо шалган шинэчилсэн тарифт нийцүүлэн төлбөрөө тооцохыг мэдэгдлээ.